Þetta helst

Útlensk haturssíða fyrir íslenska dómstóla

Bandarísku samtökin Anti-Defamation League hafa höfðað mál á hendur íslenska nethýsingarfyrirtækinu 1984. Samtökin sem berjast gegn ófrægingu gyðinga vilja lögbann á síðuna The Mapping Project. Þar er að finna gagnvirkt kort af Massachussets þar sem búið er að merkja við og tengja saman stofnanir og einstaklinga sem aðstandendur síðunnar segja tengjast þjóðernishreinsunum í Palestínu, nýlendustefnu og zíonisma. Anti-Defamation League þar á meðal.

ADL segja vefsíðuna á móti fela í sér hatursorðræðu, að samfélagi gyðinga stafi ógn af henni, klerkastjórnin í Íran standi mögulega að baki henni. Jonathan Greenblatt, formaður ADL og fyrrverandi aðstoðarmaður Baracks Obama, skrifaði opið bréf til utanríkisráðherra í fyrra þar sem þess var krafist að íslensk stjörnvöld beittu sér fyrir lokun síðunnar en allt kom fyrir ekki.

Snorri Rafn Hallsson segir frá þessari deilu sem nú er á leið fyrir Héraðsdóm Reykjavíkur í þætti dagsins.

Frumflutt

22. maí 2023

Aðgengilegt til

21. maí 2024

Daglegur fréttaskýringaþáttur sem varpar nýju ljósi á það sem efst er á baugi og stundum það sem verðskuldar meiri athygli.

Umsjón: Sunna Valgerðardóttir og Þóra Tómasdóttir