Þetta helst

Galdrabrennur fortíðarinnar og réttlæti nútímans

Sunna Valgerðardóttir skoðar agnarsmáan anga af því sem varð formlega til á 17. öld og orsakaðist af fáfræði, valdaójafnvægi og ofbeldi: Nornaveiðar og galdrabrennur. Yfirvöld í Connecticut í Bandaríkjunum hafa hreinsað tólf manns af þeirri glæpsamlegu sök að stunda galdra. Öll nema eitt höfðu verið myrt, hengd, fyrir að vera annað hvort nornir eða galdrakarlar á 17. öld, en afkomendur þeirra börðust lengi fyrir því að formæður þeirra og -feður yrðu sýknuð af þessum meintu glæpum. Þetta var lenska víða, að taka fólk af lífi fyrir að stunda galdra. Galdrafárið á Íslandi er til dæmis ekki einn af hápunktum íslenskrar menningarsögu. Og nú hefur bókmennta- og þjóðfræðidoktor spurt hvort íslensk stjórnvöld ætli ekki að stíga skref til að reyna að bæta fyrir þau morð sem voru framin hér á 17. öld - þegar við ákærðum, dæmdum og brenndum sveitunga okkar fyrir kukl.

Frumflutt

1. júní 2023

Aðgengilegt til

31. maí 2024

Daglegur fréttaskýringaþáttur sem varpar nýju ljósi á það sem efst er á baugi og stundum það sem verðskuldar meiri athygli.

Umsjón: Sunna Valgerðardóttir og Þóra Tómasdóttir