Morgunvaktin

Kjaramál, Evrópumál og nýtt heimskort

Efnahags- og kjaramál voru rædd við Aðalstein Árna Baldursson, formann Framsýnar á Húsavík. Hann vonar að ekki komi til uppsagnar kjarasamninga í næstu viku en segir að ríkisstjórnin verði að breyta um kúrs, hún hafi hingað til staðið fyrir gjaldskrárhækkunum langt umfram verðbólgumarkmið.

Björn Malmquist, fréttamaður í Brussel, fór yfir það helsta á vettvangi Evrópusamstarfs. Hann ræddi m.a. við Sigurð Hannesson, framkvæmdastjóra Samtaka iðnaðarins, sem var þar ytra á dögunum við hagsmunagæslu.

Samþykkt var hjá Sameinuðu þjóðunum fyrr í mánuðinum að taka upp nýtt heimskort sem sýnir m.a. rétta stærð Afríkuríkja en þau eru lítil á því korti sem einkum hefur verið notað í fimm aldir. Ekki er hægt að sýna heiminn með fullkominni nákvæmni á tvívíðu korti enda er Jörðin hnöttur. Rætt var við Sigmar Metúsalemsson, landfræðing og starfsmann Eflu.

Tónlist:

Tunglið, tunglið taktu mig - Gunnar Randversson,

Late Night Radio - Sunna Gunnlaugsdóttir tríó,

Alabama - Kenny Garrett,

Sigling - Magnús Þór Sigmundsson,

Sigling - Þorsteinn Magnússon.