Morgunvaktin

Harðræði gegn börnum, áhrif afsláttardaga og stjórnmál í Evrópu

Og meðal þess sem við ætlum að gera í dag er að reyna að skilja íslenskt samfélag frá því eftir stríð og fram eftir síðustu öld; það samfélag sem lét lítil börn á vöggustofum afskipt og beitti ungmenni á vistheimilum ofbeldi. Við munum málin og skýrslurnar; fyrst Breiðavík á sínum tíma og nú síðast Vöggustofurnar í Reykjavík. Hvernig stendur á því að börn og unglingar, og fullorðið fólk sem glímdi við fötlun eða veikindi naut ekki alúðar og öryggis í skjóli hins opinbera? Við veltum því fyrir okkur með Ingólfi Gíslasyni, prófessor í félagsfræði.

Framundan eru stórir afsláttardagar - dagur einhleypra, svartur föstudagur og þar fram eftir götunum - og svo auðvitað jólin. En af hverju hafa auglýsingar og afslættir áhrif á okkur, hvað er þar að baki? Við ræddum þetta við Gró Einarsdóttur doktor í félagssálfræði.

Björn Malmquist spjallaði við okkur um stjórnmál í Evrópu, meðal annars um mögulega aðild Úkraínu að Evrópusambandinu en formlegar aðildarviðræður kunna að hefjast á snemma á nýja ári. Við ræddum líka þingkosningar í Hollandi sem verða eftir rúmar tvær vikur.

Tónlist:

Sinatra, Frank - That's life.

Ellington, Duke - Angelica.

KÁRI - Into The Blue.

Frumflutt

6. nóv. 2023

Aðgengilegt til

Rennur ekki út

Umsjónarmenn eru Björn Þór Sigbjörnsson og Þórunn Elísabet Bogadóttir.