Í Heimsglugga dagsins fjallaði Bogi Ágústsson um hneykslismál í Bretlandi, svo nefnt Póstþjónustuhneykslið. Frá 1999 og nokkuð fram á þessa öld voru yfir 700 póstafgreiðslumeistarar vítt og breitt um Bretland saksóttir og dæmdir fyrir fjárdrátt og þjófnað. Síðar kom í ljós að um var að ræða galla í bókhaldskerfi. Margir fóru mjög illa út úr aðförinni. Yfirvöld hafa reynt að vinda ofan af málinu en bætur sem boðnar hafa verið eru fjarri því að bæta skaða og miska fólks.
Golfklúbbur Sandgerðis berst gegn verðbólgunni. Klúbburinn dró til baka áður boðaða átta prósenta hækkun félagsgjalda og hækkar um þrjú prósent og skorar á aðra í þjóðfélaginu að gera slíkt hið sama. Lárus Óskarsson, formaður klúbbsins, spjallaði um þessa ákvörðun.
Ísland leikur fyrsta leikinn á EM í handbolta á morgun. Guðjón Guðmundsson, Gaupi, hefur fylgst með mörgum stórmótum í gegnum áratugina, hann var aðstoðarmaður Bogdans Kowalczyk á sínum tíma, íþróttafréttamaður árum saman og nú faðir þjálfarans. Gaupi spjallaði um mótið og fyrri mót. Hann er bjartsýnn á gott gengi.
Tónlist:
On the evening train - Johnny Cash,
Vorið og tómið - Stína Ágústsdóttir,
Para mukuyenda - Katawa Singers,
All of me - Lester Young,
Please mister Postman - The Beatles,
Bræðralag - Björgvin Halldórsson og Diddú.
