Við fylgjumst með gangi mála í og við Grindavík. Hugur okkar er auðvitað hjá fólkinu sem þurfti að yfirgefa heimili sín í flýti á föstudagskvöldið og býr við þessa miklu óvissu sem nú ríkir. Þóra Sigfríður Einarsdóttir sálfræðingur fjallaði um óvissuna; - lífið í óvissu og óöryggi. Við getum ekki sett okkur í þessi spor en við getum reynt að skilja og styðja.
Þórður Snær Júlíusson, ritstjóri Heimildarinnar, ræddi um fjármál Reykjavíkurborgar, um deilurnar sem tengjast Marel og Eyri Invest og ný lög sem voru samþykkt á Alþingi í gærkvöldi og snúa að fjármögnun varnargarða fyrir mikilvæga innviði á Reykjanesi.
Berlínarspjall með Arthúri Björgvini var á sínum stað. Arthúr Björgvin sagði okkur frá miklum áhuga þýskra fjölmiðla á náttúruhamförunum í Grindavík, frá nýrri íslenskri listasýningu í Berlín og svo ræddi hann 9. nóvember, sem er mikill örlagadagur í Þýskalandi.
Umsjón: Þórunn Elísabet Bogadóttir og Björn Þór Sigbjörnsson
Tónlist:
Clayton, Buck, Grey, Al, Simmons, John, Catlett, Sidney, Carter, Benny and his Chocolate Dandies, Webster, Ben, Carter, Benny - Sweet Georgia Brown.
Miles Davis Orchestra, Davis, Miles - My man's gone now.
Memfismafían, Sigurður Guðmundsson Tónlistarm. - Orðin mín.
