Á fjórða tug létu lífið vegna ofskömmtunar lyfja á fyrstu þremur mánuðum ársins, svipaður fjöldi og allt árið í fyrra. Dæmi eru um að afar sterkum verkjalyfjum sé blandað við kókaín, án vitneskju þeirra sem þess neyta.
Karl þriðji var í dag krýndur konungur Englands í fyrstu krýningarathöfninni þar í landi í sjötíu ár. Forseti Íslands segir athöfnina hafa verið magnþrungna og virðulega.
Starfsmaður leikskóla Hjallastefnunnar í Sandgerði var í síðustu viku dæmdur í fjögurra mánaða skilorðsbundið fangelsi fyrir að beita tvö börn í leikskólanum ofbeldi. Hann var ákærður fyrir brot gegn sjö börnum.