Gráblá móða blasti við íbúum suðvesturhornsins í morgun og þokaðist áfram austur á bóginn með deginum. Heilbrigðiseftirlit Reykjavíkur segir að þetta sé eldri gosmengun úr gosinu við Litla-Hrút.
Rannsóknar og menntamálaráðherra Noregs sagði af sér í dag vegna brota á siðareglum ríkisstjórnar landsins. Hann hafði setið fund stjórnvalda um milljarða samninga við vopnaframleiðanda sem hann tengist.
Rafvæðing vörubílaflotans er hafin en hefur ekki gengið snurðulaust fyrir sig. Tvö fyrirtæki af ellefu sem keyptu rafknúna vöruflutningabíla hafa valið að skila þeim aftur þar sem innviðir í landinu stóðu ekki undir væntingum.
Druslugöngur verða á tveimur stöðum á landinu um helgina; í Reykjavík og á Sauðárkróki.