17. nóvember 2023
Grindvíkingar héldu áfram í dag að bjarga verðmætum úr húsum sínum. Aðeins þeim sem fengu boð um að koma var hleypt inn í bæinn. Samstarf við íbúa og eigendur fyrirtækja var til fyrirmyndar, sagði Úlfar Lúðvíksson, lögreglustjóri á Suðurnesjum.
Íris Dögg Ásmundsdóttir, í aðgerðastjórn björgunarsveitanna á Suðurnesjum, segir að hátt í fjögur hundruð hafi tekið þátt í aðgerðum vegna hamfaranna í Grindavík. Arnar Björnsson ræddi við hana.
Gæsluvarðhald yfir fimm mönnum vegna skotárásar í Úlfarsárdal á dögunum hefur verið framlengt fram í næstu viku. Gæsluvarðhald yfir konu, sem var handtekin vegna manndrápsmáls í Bátavogi í september, hefur einnig verið framlengt. Ingibjörg Sara Guðmundsdóttir sagði frá.
Háskóli Íslands og Háskólinn á Hólum stefna að því að verða háskólasamstæða þar sem HÍ er flaggskip samstæðunnar. Vonast er til að fleiri skólar geti komið inn í samstæðuna síðar meir. Amandsa Guðrún Bjarnadóttir sagði frá og talaði við Hólmfríði Sveinsdóttur, rektor háskólans á Hólum.
Borgaryfirvöld í París vilja sporna við notkun jepplinga og stærri fólksbíla innan borgarinnar með því að hækka stöðugjöld þeirra. Mörgum bílstjórum í höfuðborginni finnst að sér vegið. Brynjólfur Þór Guðmundsson sagði frá.
Umsjón: Ásgeir Tómasson. Tæknimaður: Markús Hjaltason. Stjórn útsendingar: Valgerður Þorsteinsdóttir.
