3. nóvember 2023
Yfir þúsund jarðskjálftar hafa orðið á Reykjanesskaga frá miðnætti. Páll Erland, forstjóri HS Veitna, segir neyðarstjórn fyrirtækisins hafa verið virkjaða og að undirbúningur fyrir mögulegt eldgos sé hafinn. Þórdís Arnljótsdóttir ræddi við hann.
Tillit var tekið til ungs aldurs sakborninga þegar fjögur ungmenni voru dæmd í dag vegna manndráps við Fjarðarkaup í Hafnarfirði í apríl. Einn sakborninga hlaut tíu ára dóm.
Leiðtogi vígasamtakanna Hezbollah sagði í ávarpi í dag að átökin við ísraelska herinn yfir landamærin að Líbanon væru þau mestu frá stofnun Ísraelsríkis árið 1948. Þau kynnu að leiða til þess að stríð breiddist út í Miðausturlöndum ef árásum Ísraelsmanna á Gaza linnti ekki. Þorgils Jónsson sagði frá.
RARIK hyggst margfalda afkastagetu hitaveitunnar í Hornafirði. Nýjar rannsóknir benda til að niðurdæling á vatni geti stóraukið afkastagetu jarðhitasvæðis í Hoffelli. Þetta opnar möguleika á að þar rísi ný baðstaður í námunda við jökla. Rúnar Snær Reynisson sagði frá.
Á fundi formanna landssambanda og stærstu aðildarfélaga ASÍ náðist samstaða um að félögin myndu standa saman að næstu kjaraviðræðum sínum við Samtök atvinnulífsins.
Tölvuglæpamenn notuðu nafn Ríkisútvarpsins til að svíkja um tólf milljónir króna af Norska ríkisútvarpinu, NRK. Málið tengist framleiðslu á þáttunum Ráðherrann sem stöðvarnar framleiða saman. Ragnar Jón Hrólfsson sagði frá.
Umsjónarmaður: Ásgeir Tómasson. Tæknimaður: Mark Eldred. Stjórn útsendingar: Valgerður Þorsteinsdóttir
