Lágmarksmönnun björgunasveita verður við gosstöðvarnar í kvöld. Gönguleiðum var lokað núna klukkan sex vegna þess að erfiðlega gekk að fá fólk til að fylgja fyrirmælum í gær og hópur fólks kom sér í hættu.
Ef gangur gossins við Litla-Hrút heldur áfram af sama krafti stefnir í að hraun nái niður í Meradali, segir prófessor í eldfjallafræði.
Kona sem lést í stunguárás í Kaupmannahöfn í gær var læknir árásarmannsins. Tveir aðrir starfsmenn spítalans voru stungnir af manninum, sem hefur játað sök.