Kvöldfréttir

Kvöldfréttir 05. júlí 2023

Skjálftahrinan sem hófst í gær er talin undanfari eldgoss á milli Fagradalsfjalls og Keilis. Jarðeðlisfræðingur á Veðurstofunni á ekki von á að gosið verði stærra en gosin í fyrra og hitteðfyrra.

Þingflokksformaður Sjálfstæðisflokksins telur það pólitískan barnaskap að halda að hvalveiðimálið hafi ekki áhrif á ríkisstjórnarsamstarfið til lengri tíma.

Áhyggjur eru af fuglalífi í rigningu og snjókomu á Norðurlandi og hætt við að ungar rjúpu og mófugla drepist úr kulda. Mikill ungadauði varð í svipuðum aðstæðum í fyrrasumar.

Þingmaður segir það fjárhagslegt ofbeldi að rukka hreyfihamlað fólk fyrir að leggja í bílastæðahúsi.

Veðurhorfur: Norðan og norðaustan fimm til þrettán metrar og væta með köflum, en léttir til um landið suðvestanvert. Hiti fimm til fimmtán stig, mildast á Suðurlandi. Norðaustan þrír til tíu á morgun og úrkomulítið, en átta til fimmtán suðaustantil og lítilsháttar væta. Bjartviðri um landið suðvestanvert, en líkur á síðdegisskúrum á Suðurlandi. Hlýnar í veðri.

Frumflutt

5. júlí 2023

Aðgengilegt til

4. júlí 2024

• 00:00:53 Jarðhræringarnar - Benedikt Ófeigsson
• 00:02:25 Íbúar Grindavíkur um stöðuna
• 00:03:37 Óli Björn og stjórnarsamstarfið
• 00:06:12 Áhyggjur af fuglalífi í hretinu
• 00:08:03 Bílastæðagjald
• 00:09:25 Veður og seinni helst

Kvöldfréttir útvarps