Kvöldfréttir

Kvöldfréttir 07. júlí 2023

Kvika færist nær yfirborðinu á Reykjanesskaga og innflæðið er mun hraðara en í aðdraganda gossins í fyrra. Lítið hefur dregið úr ásókn ferðamanna þrátt fyrir viðvaranir.

Settur ríkisendurskoðandi telur að ríkið hafi orðið af miklum verðmætum vegna vinnubragða stjórnenda Lindarhvols. Hann gerir margar athugasemdir við starfsemi félagsins í greinargerð sem var birt í gær.

Ísraelskir hermenn skutu þrjá Palestínumenn á Vesturbakkanum í dag. Á þriðja hundrað hafa fallið í átökum það sem af er ári.

Metanvinnsla sem hófst á Glerárdal við Akureyri fyrir rúmum áratug virðist brátt á enda. Akureyrarbær ætlar ekki að endurnýja strætisvagna sem ganga fyrir metani.

Veðurhorfur: Norðaustan fimm til fimmtán metrar í kvöld, hvassast við suðausturströndina. Léttskýjað á Norður- og Vesturlandi, en súld eða rigning suðaustan til. Suðlæg eða breytileg átt þrír til tíu á morgun og víða bjart veður, en skýjað og dálítil væta suðaustan til. Hiti fjórtán til tuttugu og þrjú stig.

Frumflutt

7. júlí 2023

Aðgengilegt til

6. júlí 2024

• 00:00:54 Náttúrvársérfræðingur um stöðuna
• 00:02:43 Löggan á Suðurnesjum
• 00:04:41 Þrír drepnir á Vesturbakkanum
• 00:05:54 Lindarhvoll
• 00:07:39 Metanvæðingin á Akureyri á enda
• 00:09:40 Veður

Kvöldfréttir útvarps