Kastljós

Hönnunarverðlaun Íslands og Hattagerðarmeistarar

Hönnunarverðlaunin eru afhent í 9 sinn í ár og hafa þann tilgang að varpa ljósi á mikilvægi og gæði íslenskrar hönnunar og arkitektúrs. Plastplan, sem er hönnunarstudio og plastendurvinnsla stofnuð árið 2019, hlaut Hönnunarverðlaunin. Björn Steinar og Brynjólfur Stefánsson, eigendur Plastplans, hafa hannað og framleitt vörur úr endurunnu plasti með tilraunamennsku að leiðarljósi. Heiðursverðlaunahafi er Reynir Vilhjálmsson, landslagsarkitekt, brautryðjandi í faginu og hefur komið að skipulagi íbúðahverfa og umhverfishönnun á fjölmörgum grænum svæðum sem móta borgarlandslagið eins og við þekkjum það í dag.

Hattagerðarmeistararnir Anna Gulla og Harper eru í opinni vinnustofudvöl í Hönnunarsafni Íslands, þar sem þau sýna gestum og gangandi hvernig á að búa til hatta.