Kastljós

Árni Þór í Moskvu, stytting vinnuvikunnar, Listasafn Árnesinga

Árni Þór Sigurðsson, sendiherra Íslands í Rússlandi, hélt aftur til Moskvu á fimmtudag eftir stutta dvöl á Íslandi. Hann telur að þótt hlutfallslega fáir Rússar mótmæli nú innrásinni í Úkraínu af ótta við afleiðingarnar sé ekki ólíklegt að mótmæli muni aukast eftir því sem stríðið dregst á langinn. Sigríður Dögg ræddi við Árna Þór.

Stytting vinnuvikunnar sem samið var um Lífskjarasamningunum svonefndu átti að draga úr álagi í starfi og það án þess að laun lækkuðu. Hefur sú verið raunin? Ekki að mati formanna stéttarfélaga lögreglumanna, fangavarða og tollvarða, sem segja styttinguna hafa bætt gráu ofan á svart á langvarandi fjárskort og manneklu. Bergsteinn ræddi styttingu vinnuvikunnar - tækifæri hennar og takmarkanir - við þau Sonju Þorbergsdóttur, formann BSRB, og Ketil Berg Magnússon, mannauðsstjóra Marel.

FJórir myndlistarmenn opnuðu jafnmargar sýningar í Listasafni Árnesinga á dögunum, sem allar eiga það sameiginlegt að snúast með einum eða öðrum hætti - og oft bókstaflega - um kerfi og glundroða. Kastljós brá sér í Hveragerði.

Frumsýnt

7. mars 2022

Aðgengilegt til

Rennur ekki út

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Chanel Björk Sturludóttir, Guðrún Sóley Gestsdóttir og Sigríður Dögg Auðunsdóttir. Í beinni útsendingu alla virka daga á eftir Fréttum og Veðri.