Kastljós

Brautryðjandi í skaðaminnkun, kólumbískt kaffihús í Grundafirði

Aukinn fjöldi lyfjatengdra dauðsfalla, sem við fjölluðum um í Kastljósi í síðustu viku, hefur vakið á ný umræðu um stöðu fólks sem neytir fíkniefna og mikilvægi þess að auka þjónustu við þann hóp. Matthildur - heita samtök um skaðaminnkun sem stofnuð voru nú í vor og berjast fyrir því að auka þekkingu og vinna að framgangi skaðaminnkandi inngripa og úrræða á Íslandi. Samtökin eru nefnd í höfuðið á Matthildi Jónsdóttur Kelley, sem um áratugaskeið hefur starfað við að aðstoða fíkniefnaneytendur á götum Chicago borgar í Bandaríkjunum - en hún var um skeið í sömu sporum og það fólk sem hún hjálpar í dag. Matthildur er enn búsett í Bandaríkjunum en er stödd hér á landi til þess að taka þátt í ráðstefnu samtakanna um skaðaminnkun sem fram fer á miðvikudag og þegar er orðið uppselt á. Matthildur var gestur Kastljóss ásamt einni af stofnendum samtakanna, Svölu Jóhannesdóttur.

Valeria, kaffihús og kaffibrennsla, var opnað í Grundafirði í júní. Húsið er í eigu þeirra Mörtu og Jan. Jan er frá Kolumbíu, kominn af kaffibændum, og kaupir baunir beint frá smáframleiðendum í heimalandi sínu, sem hann ristar hér á kaffihúsinu. Kastljós fór í heimsókn.

Frumsýnt

5. sept. 2022

Aðgengilegt til

1. jan. 2025

• 00:00:23 Matthildur- samtök um skaðaminnkun
• 00:12:35 Kólumbískt kaffihús í Grundafirði

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Chanel Björk Sturludóttir, Guðrún Sóley Gestsdóttir og Sigríður Dögg Auðunsdóttir. Í beinni útsendingu alla virka daga á eftir Fréttum og Veðri.