Kastljós

Sala Íslandsbanka, öryggismenning á LSH, sigurvegari Músíktilrauna

Sala á stórum hlut ríkisins í Íslandsbanka hefur verið gagnrýnd fyrir leyndarhyggju en nú síðdegis var birtur listi yfir þá sem fengu að kaupa hlut í bankanum. Bæði forsætis- og fjármálaráðherra höfðu sagt að varpa þyrfti betra ljósi á söluna en ekki fengu allir að kaupa hlut sem óskuðu eftir því. Guðrún Hafsteinsdóttir, formaður efnahags- og viðskiptanefndar og Kristrún Frostadóttir ræddu um söluferlið.

Öryggismenning á Landspítalanum er í brennidepli. Hópur lækna skrifaði grein í gær þar sem segir að alvarlegt vanmat á mönnunarþörf Landspítalans komi fram í nýrri skýrslu Heilbrigðisráðuneytisins, sem unnin var af ráðgjafarfyrirtækinu McKinsey. Þá sendu hjúkrunarfræðingar á bráðamóttöku Landspítalans frá sér yfirlýsingu í dag um að ekki sé réttlætanlegt að þeir beri ábyrgð á öryggi sjúklinga við það óboðlega ástand sem ríki á bráðamóttökunni. Sigríður Dögg ræðir við læknana Martin Inga Sigurðsson og Jón Ívar Einarsson um stöðuna á spítalanum og leiðir til úrbóta.

Kolbrún Óskarsdóttir, eða KUSK, bar sigur í býtum á Músíktilraunum sem haldnar voru um helgina. Chanel Björk ræddi við þessa efnilegu tónlistarkonu.