Mannlegi þátturinn

Guðrún Guðlaugsd, Covid sem alheimsverkefni og Óskar á Drangsnesi

Við ræddum við Guðrúnu Guðlaugsdóttur blaðamann og rithöfund en hún var að senda frá sér sína sjöundu bók, nýja skáldsögu, Hús Harmleikja. Guðrún starfaði sem blaðamaður, fyrst hér á RÚV svo á Morgunblaðinu í 25 ár en starfar nú sjálfstætt. Guðrún kom í þáttinn í dag.

Það er ljóst að Covid-19 faraldurinn snertir ekki aðeins einstaklinga og þjóðlönd heldur er hann alheimsvandi sem þarf að leysa með áður óþekktum aðferðum. Vísindafélag Íslands boðar til málþingsins „Covid sem alheimsverkefni“ þar sem fjallað verður um þær sameiginlegu áskoranir sem þjóðir heims standa frammi fyrir í kjölfar faraldursins. Einn fyrirlesara er Eyja Margrét Brynjarsdóttir, prófessor í heimspeki við HÍ, hún kom í þáttinn og sagði frá málþinginu í heild og því sem hún ætlar að tala um þar, en málþingið fer einmitt fram í gegnum streymi á netinu í hádeginu í dag.

Drangsnes, eins og flest önnur fámenn þorp á landsbyggðinni hefur mátt þola góða tíma og slæma í gegnum tíðina.Óskar Torfason er framkvæmdastjóri Fiskvinnslunnar Drangs á Drangsnesi og nýlega var haldið uppá fjörtíu ára starfsafmæli Óskars. Kristín Einarsdóttir, okkar kona á Ströndum, settist niður með Óskari og fékk hann til að segja frá.

UMSJÓN GUNNAR HANSSON OG GUÐRÚN GUNNARSDÓTTIR

Birt

24. nóv. 2020

Aðgengilegt til

24. nóv. 2021
Mannlegi þátturinn

Mannlegi þátturinn

Um litróf mannlífsins.

Umsjón: Guðrún Gunnarsdóttir og Gunnar Hansson.

Þættir