Föstudagsgestur Mannlega þáttarins í þetta sinn er leikari, tónlistarmaður og leikstjóri, Guðmundur Ingi Þorvaldsson. Hann hefur unnið að leiklist bæði hér heima og erlendis, hann rak Tjarnarbíó, hann hefur verið í nokkrum hljómsveitum og samið helling af tónlist, sem sagt komið víða við á milli þess sem hann fer heim í sveitina í Borgarfirði og nýtur þess að vera sveitastrákur. Hann sagði okkur frá uppvexti sínum og ferðalaginu í gegnum lífið til dagsins í dag, meðal annars að hann var að ljúka við að leika í einum vinsælasta tölvuleik í heimi, en kynningarstikla fyrir leikinn fékk yfir 100 milljón áhorf á fyrsta sólarhringnum.
Í matarspjalli dagsins talaði Sigurlaug Margrét um kleinur og ástarpunga og hún hringdi í Ingunni Þráinsdóttur á Egilsstöðum, sem hefur í nokkur ár safnað kleinuupskriftum með það í huga að gefa þær út í bók.