Mannlegi þátturinn

Námsglugginn á Bifröst og rauðkýttisostar

Við hófum þáttinn í dag á því að senda út frá upphafi fundi Almannavarna, eins og tvisvar í síðustu viku, því var Mannlegi þátturinn ögn styttri í dag.

Háskólinn á Bifröst gefur fólki kost á því að hefja nám í svonefndum Námsglugga á seinni hluta haustannar. Þetta eru viðbrögð skólans við atvinnuástandinu sem skapast hefur vegna kórónuveirufaraldursins. Stjórnendur skólans líta svo á að greiður aðgangur að háskólanámi geti skipt sköpum fyrir fólk sem misst hefur vinnu. Þátttaka í námskeiði verður þannig eins og nokkurs konar gluggi þar sem fólki er gert kleift að hefja háskólanám með stuttum fyrirvara á miðri önn. Við ræddum í dag við Guðjón Ragnar Jónasson sem er forstöðumaður Háskólagáttar og Símenntunar við Háskólann á Bifröst.

Í dag var 5.þáttur í smáþáttaröðinni Heimur ostanna. Þar sem þau Svavar Halldórsson og Eirný Sigurðardóttir, ostasérfræðingur, leiða hlustendur um undraveröld ostanna. Í dag töluðu þau Svavar og Eirný um rauðkýttisosta. Þetta er kannski sá flokkur osta sem er einna minnst þekktur á Íslandi. Hvaðan þeir koma, hvað einkennir þá og hvernig er best að njóta þeirra?

UMSJÓN GUNNAR HANSSON OG GUÐRÚN GUNNARSDÓTTIR

Birt

12. okt. 2020

Aðgengilegt til

12. okt. 2021

Mannlegi þátturinn

Um litróf mannlífsins.

Umsjón: Guðrún Gunnarsdóttir og Gunnar Hansson.