*

Erfðabreytt börn og finnska leiðin

Er í lagi að erfðabreyta mennskum fósturvísum til að koma í veg fyrir sjúkdóma? Verður það talið ábyrgðarleysi að eignast börn upp á gamla mátann þegar fram í sækir? Kveikur fjallar um Crispr erfðatæknina sem hefur þróast svo hratt að siðfræðingar hafa ekki einu sinni náð að spyrja stóru spurninganna, hvað þá svara þeim.

Finnska skólakerfið er skoðað, en allur heimurinn hefur verið að reyna að átta sig á því hvað Finnar hafa gert rétt til þess að ná stöðugt góðum árangri á alþjóðlegum prófum, án þess að vera að leggja sig sérstaklega eftir því. Hvað getum við lært af þeim?