Morgunvaktin

Bólusetningar, Brussel og viðbúnaður í neyðarástandi

Ungabörn verða bólusett við RS-veirunni næstu tvo vetur. Þetta var tilkynnt fyrir helgi. Veiran veldur oft erfiðum veikindum hjá minnstu börnunum og miklu álagi á spítala. Ásgeir Haraldsson yfirlæknir á Barnaspítala Hringsins var fyrsti gestur Morgunvaktarinnar í dag og ræddi um bólusetningar.

Björn Malmquist var á sínum stað. Viðskiptahagsmunir Íslands og skjól í tollastríðinu sem nú er hafið milli Evrópusambandsins og Bandaríkjanna komu við sögu, Björn ræddi við Heiðrúnu Björk Gísladóttur frá Samtökum atvinnulífsins. Söguleg dómsuppkvaðning í Frakklandi og allsherjarverkfall í Brussel voru líka rædd.

Stjórnvöld á hinum Norðurlöndunum hafa uppfært áætlanir og sent almenningi leiðbeiningar um hvernig þeir eigi að búa sig undir hættuástand eins og hamfarir eða stríð. Evrópusambandið gerði slíkt hið sama í síðustu viku, og í dag kynnir Rauði krossinn hér á Íslandi uppfærðar leiðbeiningar um viðbúnað almennings í hvers kyns neyðarástandi. Aðalheiður Jónsdóttir, teymisstjóri neyðarvarna hjá Rauða krossinum, sagði frá því.

Tónlist:

Uppáhellingarnir - Vor í Reykjavík.

Uppáhellingarnir, Sigríður Thorlacius - Gettu hver hún er.

Van Morrison - Problems.