Morgunvaktin

Ísrael og Palestína, Evrópuþingskosningarnar og kosningabarátta fyrri ára

Alþjóðadómstóllinn í Haag úrskurðaði á föstudaginn að Ísraelar skyldu hætta árásum á Rafah sem talist geta til þjóðarmorðs. Þá hefur alþjóðasakamáladómstóllinn farið fram á handtökuskipanir á hendur ráðamönnum bæði Ísraels og Hamas. Engu að síður halda árásir áfram. Við ræddum stöðu mála í Ísrael og Palestínu við Erling Erlingsson hernaðarsagnfræðing í Bretlandi.

Kosningar til Evrópuþingsins hefjast eftir viku - þar er kosið um 720 þingsæti og yfir fjögur hundrað milljónir manna eru á kjörskránni. Björn Malmquist fréttamaður í Brussel og Dóra Sif Tynes lögmaður ræddu um kosningarnar.

Í síðasta hluta þáttarins lékum við brot úr þáttaröðinni “Í þjónustu þjóðar” sem var á dagskrá Rásar 1 í aðdraganda forsetakosninganna 2016 - þegar við síðast kusum nýjan forseta. Svanhildur Bogadóttir borgarskjalavörður ræddi þá við Björn Þór og þau skoðuðu skjöl sem tengjast forsetakosningum fyrri ára.