Mislingar, hettusótt og kíghósti eru dæmi um sjúkdóma sem hafa skotið upp kollinum hér á landi undanfarið, en hversu vel erum við varin fyrir þessum vágestum? Við fórum yfir það uppúr klukkan hálfníu með Kamillu Sigríði Jósefsdóttur yfirlækni bólusetninga hjá embætti Landlæknis.
Þórður Snær Júlíusson, ritstjóri Heimildarinnar, kom í þáttinn upp úr hálf átta. Við ræddum um miður góða stöðu ÍL-sjóðs og miður góða stöðu ríkissjóðs gagnvart ÍL-sjóði. Tap flugfélaganna var skoðað og yfirvofandi vaxtahækkanir á óverðtryggðum húsnæðislánum. Og: frumvarp um viðbótarlífeyrissparnað sem fjármálafyrirtækin eru hrifin af en margir aðrir ekki.
Og svo voru það þýsk málefni. Yfir þau fór Arthúr Björgvin Bollason eftir Morgunfréttirnar. Á efnisskránni voru meðal annars réttarhöld yfir hópnum sem kallaður er “ríkisborgara-hópurinn” og er sakaður um að hafa undirbúið valdarán í Þýskalandi. Við ræddum líka um menningu og mannlíf í Berlínarborg.
Gömlu göturnar - Kári Egilsson
Frostnótt í Reykjavík - Kári Egilsson
Óróapúls - Kári Egilsson
Berlin – Hildegard Knef
Circle - Miles Davis Quintet, Shorter, Wayne, Williams, Tony, Hancock, Herbie, Carter, Ron, Davis, Miles.
