Fyrir nokkrum vikum fullvissaði veðurfræðingurinn Sigurður Þ. Ragnarsson, Siggi stormur, þjóðina um að sumarið kæmi 21. maí. Miðað við veðurblíðuna í dag á vesturhluta landsins var hann með þetta alveg á hreinu. Siggi var á línunni.
Ríflega helmingur kvenna í Rafiðnaðarsambandi Íslands og VM – Félagi vélstjóra og málmtæknimanna hefur orðið fyrir kynferðislegri áreitni í starfi sínu samkvæmt nýrri rannsókn Vörðu – rannsóknastofnunar vinnumarkaðarins. Þetta eru meðal helstu niðurstaðna rannsóknarinnar Konur í karllægum greinum sem byggir á svörum 222 kvenna innan RSÍ og VM. Til að ræða þessa sláandi tölur kom til okkar formaður Rafiðnaðarsambandsins, Jakob Tryggvason.
Árið 2022 opnaði sýningin ABBA Voyage í London og vakti heimsathygli fyrir byltingarkennda tónleikaupplifun sína. Nú, fjórum árum síðar virðist enn allt vera í fullum gangi og það veit engin betur framleiðandinn Svana Gísladóttir. Við heyrðum í henni um þessa miklu velgengni sýningarinnar og hvort hún hafi á sínum tíma trúað því að verkefnið ætti eftir að verða svona stórt.
Ferðasumarið er framundan og margir vilja ferðast innanlands og til að segja okkur betur af því sem í boði er hjá Ferðafélagi Íslands. Páll Guðmundsson framkvæmdastjóri FÍ kom til okkar.
Í sumar verður opnað safn tileinkað Gísla á Uppsölum í Selárdal í Arnarfirði, einum eftirminnilegasta einsetumanni Íslands. Við heyrðum í Kára Schram um verkefnið, uppbygginguna og hvers vegna saga Gísla heldur áfram að heilla þjóðina áratugum síðar.
Skjaldborg, hátíð íslenskra heimildamynda, fer fram á Patreksfirði næstkomandi helgi. Þarna kennir ýmissa grasa í íslenskri heimildamyndagerð og svo verða það heiðursgestirnir. Þeir verða kvikmyndagerðarfólk frá heimskauts-nágrannasvæðum okkar á Grænlandi, Færeyjum og Norður héruðum Skandinavíu. Kristín Andrea Þórðardóttir, stjórnandi hátíðarinnar, var á línunni.
