Morgunútvarpið

25. nóv. - Byggingar, enski boltinn, Víðir, Gettu betur og Spánn

Ólöf Salmon Guðmundsdóttir var á línunni hjá okkur og sagði okkur frá umhverfisvænum byggingarkubbum sem hægt er að nota til húsbygginga. Stærsta húsið sem reist hefur verið úr þessum kubbum er rúmlega 500 fermetra sambýli í Hafnarfirði.

Orri Páll Ormarsson hefur ritað ástarsöguna Í faðmi ljónsins. Þar er þó ekki um að ræða hefðbundna ástarsögu í þeim skilningi, en engu að síður lýsir hún mikilli ástríðu, sorg og sigrum. Umfjöllunarefnið er enska knattspyrnan og ævilangt samband höfundar við hana ásamt léttri söguskoðun. Orri Páll kíkti í heimsókn og sagði okkur meira.

Við heyrðum í Víði Reynissyni, yfirlögregluþjóni og fórum yfir stöðuna eins og hún blasir við núna í heimsfaraldrinum. Að þessu sinni talaði hann við okkur úr sóttkví þar sem hann þarf að vera næstu daga.

Í þættinum greindum við frá því hverjir verða nýir dómarar í Gettu betur, spurningakeppni framhaldsskólanna og þau settust hjá okkur, Laufey Haraldsdóttir og Jóhann Alfreð Kristinsson.

Tíðindamaður okkar á Spáni, Jóhann Hlíðar Harðarson, var á línunni og sagði okkur m.a. af jafnréttismálum, pilsklæddum drengjum og forpöntuðum fæðingum.

Tónlist:

Mugison og Ragnheiður Gröndal - Stolin stef.

Hafdís Huld - Last rays of the sun.

Melody Gardot og Sting - Little something.

Sálin hans Jóns míns - Ekkert breytir því.

Bjartmar og bergrisarnir - Negril.

Harry Styles - Golden.

Stephanie Mills - Never knew love like this before.

Teitur Magnússon - Kyssti mig.

Taylor Swift - Exile (ft. Bon Iver).

Birt

25. nóv. 2020

Aðgengilegt til

23. feb. 2021
Morgunútvarpið

Morgunútvarpið

Morgunútvarpið vekur hlustendur með glóðvolgum fréttum og snarpri umfjöllun um samfélagsmál. Umsjón: Hulda G. Geirsdóttir Sigmar Guðmundsson og Rúnar Róbertsson.

Þættir