Hús hafa verið rýmd á Seyðisfirði og hættustig almannavarna virkjað, appelsínugul viðvörun er í gildi á Austfjörðum vegna mikillar úrkomu og skriðuhættu. Hátt í þrjú ár eru liðin frá því að á annan tug húsa skemmdust í miklum aurskriðum á Seyðisfirði örfáum dögum fyrir jól þó blessunarlega enginn hafi slasast. Viðvaranir sem þessar hljóta að ýfa upp sárin. Við heyrum í Aðalheiði Borgþórsdóttur, atvinnu- og menningarmálastjóri Múlaþings og tökum stöðuna.
Allsherjarþing Sameinuðu þjóðanna er í vikunni en væntingar til þess að sameiginlegur grundvöllur finnist þar eru litlar. Við fáum til okkar Eirík Bergmann prófessor í stjórnmálafræði til að ræða málin.
Áslaug Arna Sigurbjörnsdóttir, háskóla-, iðnaðar- og nýsköpunarráðherra, kynnti kerfisbreytingu á fjármögnun háskólanna á blaðamannafundi í gær. Landssamtök íslenskra stúdenta fagna ákveðnum breytingum sem ráðherra hefur boðað en hafa til að mynda áhyggjur af aukinni aðgangsstýringu að námi. Við ræðum við Áslaugu um breytignarnar, háskólana og stjórnmálin.
Rishi Sunak, forsætisráðherra Bretlands, greindi frá því á dögunum að hundategundin American bully XL verði bönnuð í landinu eftir aukningu í árásum hunda af tegundinni. Hundahald hefur komið til kasta í breskri stjórnmálaumræðu undanfarið og fjallað hefur það í fjölmiðlum að árásir hunda almennt hafi færst í aukana í Englandi. Við ætlum að ræða þessi mál við Freyju Kjartansdóttur, formann Félags ábyrgra hundaeigenda, og spyrja hvort rangt sé að banna tilteknar tegundur, eins og gert er hér á landi, og gagnrýnt hefur verið af ýmsum samtökum.
Kynjaveislur hafa heldur betur rutt sér til rúms hér á landi á undanförnum árum, en ein þeirra vakti gríðarlega athygli um helgina þar sem greint var frá kyni með því að láta þyrlu dreifa bláum reyk úr lofti á meðan veislugestir fylgdust með af svölum íbúðar í Skuggahverfinu í miðborg Reykjavíkur. Við ræðum þróun kynjaveislna við Dagrúnu Ósk Jónsdóttur, þjóðfræðing.
Sævar Helgi Bragason kíkir síðan til okkar í lok þáttar eins og alltaf annan hvern þriðjudag þegar við ræðum tíðindi úr heimi vísindanna.
Lagalisti:
Laufey, Philharmonia Orchestra - California and Me feat. Philharmonia Orchestra.
SPRENGJUHÖLLIN - Verum í sambandi.
GWEN STEFANI - True Babe.
ÁSGEIR TRAUSTI - Nýfallið regn.
Bombay Bicycle Club - Diving (ft. Holly Humberstone).
SUPERSERIOUS - Bye Bye Honey.
ÞURSAFLOKKURINN - Pínulítill Karl.
Teitur Magnússon - Vinur vina minna.
Moses Hightower - Háa c.
TRAVIS - Side.
