Við spjölluðum við Elísabetu Pálmadóttur náttúruvásérfræðing hjá Veðurstofu Íslands í upphafi þáttar en ansi mörg á Suðvesturhorninu vöknuðu við jarðskjálfta sem áttu upptök sín við Fagradalsfjall á Reykjanesi um klukkan fjögur í nótt.
Við kynntum okkur tvennt sem tengist golfvöllum. Hönnun þeirra og hvað er haft að leiðarljósi þar sem og mat á kolefnisstöðu landnýtingar íslenskra golfvalla. Edwin Roald golfvallahönnuður kom til okkar en hann vinnur nú að golfvallarannsókn ásamt Jóni Guðmundssyni lektor við Umhverfis- og auðlindadeild Landbúnaðarháskóla Íslands en verið er að meta kolefnisstöðu landnýtingar íslenskra golfvalla til að leggja grunn að mælanlegum framförum golfhreyfingarinnar á því sviði.
Breki Karlsson formaður Neytendasamtakanna kom til okkar til að ræða stærstu sekt Persónuverndar sem lögð hefur verið á. Í gær var tilkynnt að CreditInfo væri gert að greiða 37,8 milljónir vegna vöktunar þeirra á skuldum fólks sem tekið hafði smálán og stóð í vanskilum.
Diljá Mist Einarsdóttir þingkona Sjálfstæðisflokksins kom til okkar. Hún fékk nýverið svar við fyrirspurn sinni á Alþingi um veru og veiðar rússneskra skipa á Reykjaneshrygg og njóta hafnarþjónustu í Færeyjum. Við ræddum það en einnig samstarf ríkisstjórnarflokkanna í ljósi forsíðu Morgunblaðsins í dag.
Svo fengum við að heyra hvernig stemningin er á hálendinu. Rémy Martinache er skálavörður í skála Ferðafélags Íslands við Hrafntinnusker og þar er nóg um að vera þessa dagana.
Mega Zipline Iceland, sem er að opna sviflínu úr Kömbunum yfir Svartagljúfur og niður í Reykjadal, mun opna fyrir almenning á föstudaginn. Á morgun hins vegar verður sérstök opnunarathöfn þar sem fyrsta "Superman"-ferðin verður farin en í þeirri ferð liggur viðkomandi með höfuðið á undan og kemst þá upp í allt að 120 km hraða. Mega Zipline Iceland ætlar að bjóða einstaklingum og fyrirtækjum að bjóða í ferð til að tryggja sér fyrstu ferðina og mun allur ágóði renna óskiptur til ME-félagsins á Íslandi. Til að segja okkur nánar frá þessu var Hallgrímur Kristinsson hjá Mega zipline Iceland á línunni hjá okkur.
Tónlis
GDRN - Parísarhjól
A-HA - Foot Of The Mountain
COLDPLAY - Higher Power
KLARA ELIAS - Nýjan stað
JENNIFER LOPEZ - Ain't Your Mama
DURAN DURAN - Ordinary World
THE WEEKND - Save Your Tears
