Þættinum barst póstkort frá Steineyju Skúladóttur í Hljóðvegi 1 en hún var stödd á Vopnafirði um helgina og talaði þar við Hafdísi Báru Óskarsdóttur, iðjuþjálfa í bænum og sveitarstjóra.
Staðan í stríði Rússlands og Úkraínu hefur breyst töluvert undanfarið. Seint í gærkvöldi lýsti Volodomír Selenskí því yfir að drónaárásir í Moskvu, höfuðborg Rússlands, hefðu verið óhjákvæmilegar og eðlilega þróun stríðsins. Jón Ólafsson prófessor við Háskóla Íslands og sérfræðingur í málefnum Rússlands kom til að ræða þessar vendingar betur.
Hinseginhátíð Hríseyjar var haldin um helgina og aðeins tvær vikur eru í Pride í Reykjavík. Guðmundur Ingi Guðbrandsson félags- og vinnumarkaðsráðherra brá sér svo af bæ í nýliðinni viku og ávarpaði Pride hátíðina í Færeyjum en Guðmundur er aðeins annar opinberlega samkynhneigði ráðherra Íslands. Við töluðum um stöðu hinseginfólks í Færeyjum og á Íslandi.
Lögreglan hefur undanfarið varað við innbrotahrinu á höfuðborgarsvæðinu en margir eru á faraldsfæti þessa dagana sem gæti gert innbrotsþjófum auðveldara fyrir að athafna sig. Ágúst Mogensen sérfræðingur í forvörnum hjá Verði hefur tekið saman nokkur góð ráð til að verjast innbrotum og kom til að gefa þau.
Og svo var sportið á sínum stað í lok þáttar. Einar Örn Jónsson íþróttafréttamaður mætti galvaskur til að tala um íþróttir helgarinnar.
Tónlist
PÁLMI GUNNARSSON - Þorparinn.
PNAU & KHALID - The Hard Way.
WHITNEY HOUSTON - I Wanna Dance With Somebody (Who Loves Me).
BIRKIR BLÆR - Thinking Bout You.
SVALA - The Real Me.
THE BEATLES - Here Comes The Sun.
ÁRSTÍÐIR - Let's Pretend.
SNORRI HELGASON - Ingileif.