Dýrahjálp Íslands heldur úti mikilvægri starfsemi til hjálpar dýrum í heimilisleit og neyð. Í dag stendur Dýrahjálpin fyrir viðburði í tengslum við flutninga félagsins og við heyrðum í Sonju Stefánsdóttur framkvæmdastjóra Dýrahjálparinnar sem sagði okkur meira af starfseminni og því sem fram undan er.
Jóhanna Sjöfn Guðmundsdóttir, sauðfjárbóndi á Grímsstöðum í Reykholtsdal í Borgarfirði, er nýkjörin formaður samtakanna Beint frá býli. Jóhanna Sjöfn var á línunni hjá okkur og sagði okkur frá vaxandi starfsemi samtakanna og tækifærum bænda á þessum vettvangi.
Innviðir Reykjanesbæjar eru sprungnir sagði Morgunblaðinu í gær. Að sögn skipulagsfulltrúa Reykjanesbæjar þarf að fjárfesta til að mæta þörfum nýrra íbúa úr Grindavík. Við erum einfaldlega strand með innviði segir Gunnar Kristinn Ottósson, skipulagsfulltrúi í Reykjanesbæ. Gunnar fór yfir stöðuna með okkur.
Pétur Markan er nýráðinn bæjarstjóri í Hveragerði. Ráðningin kom hratt til en Pétur hefur starfað sem biskupsritari undanfarin ár. Við ætlum að spjalla við hann um tímann hjá kirkjunni og framtíðarverkefnin sem nú bíða fyrir austan fjall.
Sigursteinn Másson er maðurinn ... og röddin á bak við Sönn íslensk sakamál. Nú eru nýir þættir farnir af stað hjá sjónvarpi Símans og við ræddum við Sigurstein um málin sem hann skoðar að þessu sinni.
Guðbjörg Ýr Hilmarsdóttir og Eyrún Sigþórsdóttur eru nemendur í Tómstunda- og félagsmálafræði í HÍ og hluti af námi þeirra er viðburðarstjórnun. Þær stöllur, ásamt félögum sínum, hafa skipulagt tónleika sem fara fram í Lindakirkju í kvöld og eru til styrktar Krafti, stuðningsfélagi fyrir ungt fólk sem greinst hefur með krabbamein og aðstandendur þeirra. Við heyrðum af náminu og tónleikunum.
Tónlist:
Mugison - A little trip to heaven.
Bubbi - Holan.
Violent Femmes - Blister in the sun.
Paolo Nutini - New shoes.
Una Torfa - Um mig og þig.
Sting - Brand New Day.
