Morgunútvarpið

4. des. - Námskeið, SÁÁ, raunvitund, Covid deildin og Ari Eldjárn

Séra Þórhallur Heimisson hefur undanfarin 25 ár haldið sjálfstyrkingar og hjónanámskeið sem margir hafa sótt. Hann ætlar nú í aðdraganda jólanna að bjóða uppá námskeið rafrænt í gegnum samskiptaforritið Zoom. Tíu leiðir til betra lífs er yfirskriftin á námskeiðinu sem hann hefur haldið áður fyrir skóla og félagasamtök. Nú geta allir verið með enda námskeiðið frítt. Séra Þórhallur var á línunni hjá okkur.

Einar Hermansson, formaður SÁÁ, ræddi við okkur en söfnunarþátturinn Fyrir fjölskylduna, þar sem málefni SÁÁ verða í öndvegi, verður sendur út í kvöld hér á RÚV.

Gunnar Dofri Ólafssson var á línunni hjá okkur en hann hefur þýtt bók eftir Hans Rosling sem heitir Raunvitund en hún rekur ástæður þess að við lesum þannig úr upplýsingum að við trúum því frekar að hlutirnir fari á verri veg og að það sé litað af ómeðvituðum en fyrirsjáanlegum fordómum.

Ragnar Freyr Ingvarsson, umsjónarlæknir COVID göngudeildar Landsspítalans var á línunni hjá okkur en og við ræddum við hann um stöðuna á faraldrinum og göngudeildinni og hversu miklar takmarkanir hann telji að eigi að vera í gildi næstu vikur.

Grínistinn Ari Eldjárn braut blað í sögu íslenskrar uppistandara í vikunni þegar uppstand hans fór í sýningu á efnisveitunni Netflix. Er þetta í fyrsta skipti sem íslenskur uppistandari nær þessum árangri. Við heyrðum í Ara og spurðum hvaða þýðingu þetta hafi fyrir hann og jafnvel aðra íslenska grínista.

Tónlist:

Bubbi Morthens - Það er gott að elska

Stevie Wonder - Someday at christmas

Of monsters and men - Little talks

Pálmi Gunnarsson - Gleði og friðarjól

Sniglabandið - Haltu kjafti

Sigríður Beinteinsdóttir - Senn koma jólin

The Pogues og Kirsty McCall - Fairytale of New York

Birt

4. des. 2020

Aðgengilegt til

4. mars 2021
Morgunútvarpið

Morgunútvarpið

Morgunútvarpið vekur hlustendur með glóðvolgum fréttum og snarpri umfjöllun um samfélagsmál. Umsjón: Hulda G. Geirsdóttir Sigmar Guðmundsson og Rúnar Róbertsson.

Þættir