Elísabet Jökulsdóttir föstudags- og matarspjallsgestur
Föstudagsgestur Mannlega þáttarins í þetta sinn var Elísabet Kristín Jökulsdóttir skáld og rithöfundur. Hún hefur skrifað ljóð, smásögur, örsögur, skáldsögur og leikrit. Hún hefur unnið að auki margvísleg störf, til dæmis á veitingahúsi, verið ráðskona, háseti, afleysingakennari, blaðakona og fleira. Elísabet var svo auðvitað á meðal frambjóðenda í forsetakosningunum árið 2016. Elísabet hefur hlotið Íslensku bókmenntaverðlaunin, Fjöruverðlaunin og Menningarverðlaun DV og var tilnefnd til Bókmenntaverðlauna Norðurlandaráðs. Við ferðuðumst með henni aftur í tímann á æskuslóðirnar á Seltjarnarnesi og Vesturbænum og fórum svo með henni á handahlaupum í gegnum lífið til dagsins í dag og Elísabet sagði okkur frá nýju leikrit í Þjóðleikhúsinu upp úr tveimur bókum hennar, Pöddusýningunni sem opnar í bókasafninu í Hveragerði í næstu viku og svo að lokum Elísabetarstíg.
Elísabet sat áfram með okkur í matarspjallinu og talaði um uppáhaldsmatinn sinn og hvað henni þykir skemmtilegast að elda og hvort henni þyki skemmtilegt yfir höfuð að elda, sem hún vildi ekki segja okkur fyrirfram, heldur fengum við að vita það í beinni útsendingu.
Tónlist í þættinum:
It?s raining again / Supertramp (Rick Davies & Roger Hodgson)
Hvítu mávar / Helena Eyjólfsdóttir (Walter Lange og Björn Bragi Magnússon)
Can?t take my Eyes Off You / Barry Manilow (Bob Crewe & Bob Gaudio)