Flugur

Tónlist sem tengist Christian Falk

Þátturinn er á vissan hátt helgaður sænska bassaleikaranum og upptökustjóranum Christian Falk sem var mikill Íslandsvinur. Hann vann að fimm plötum með Bubba Morthens og kom nokkrum sinnum til Íslands, fyrst með sænsku hljómsveitinni Imperiet. Hann vann sem upptökustjóri með Bubba og nokkrum öðrum listamönnum á sinni stuttu ævi en hann lést 52 ára gamall árið 2014. Leikin er eftirfarandi tónlist í þættinum: Woman með Neneh Cherry, Seven Seconds með Neneh Cherry og Youssou N'Dour, Er nauðsynlegt að skjóta þá, Síðasti örninn og Maður án tungumáls með Bubba Morthens, Tusentals händer og Du ska va' president með Imperiet, Remember með Robyn og Christian Falk og Robyn Is Here með Robyn.

Umsjón: Jónatan Garðarsson.

Birt

13. okt. 2025

Aðgengilegt til

Rennur ekki út

Dægurflugur og söngvar frá ýmsum tímum.

Leikin eru nokkur lög, eftir erlenda og íslenska höfundar, þar sem ljóðaþýðingar Magnús Ásgeirssonar eru í forgrunni. Anna Pálína Árnadóttir flytur Söng Fríðu, sem er líka þekkt undir heitinu Í fyrsta sinn ég sá þig, Gunnar Guttormsson syngur lög sem heita Mansöngvarinn og Ameríkubréf, Einsöngvarakvartettinn syngur Kvæði um einn kóngsins lausamann, Lónlí blú bojs syngja Laugardagskvöld á Gili, Bubbi Morthens flytur eigin lög við kvæðin Eins og gengur og Bólivar, Páll Óskar Hjálmtýsson syngur Enska manvísu frá 14. öld, Ólafur Þórarinsson syngur eigið lag við kvæðið Kapellan, Sigurboginn flytur lag Sigurðar J. Grétarssonar við kvæðið Regla og Lítið eitt syngja kvæðið Konungurinn í Thule.

Umsjón: Jónatan Garðarsson.