Samfélagið

Vatnshreinsiverkefni í Pakistan, skaðaminnkandi nálgun og malaría

Við ræðum við tvo íslenska hjálparstarfsmenn sem eru nýkomnir heim eftir að hafa tekið þátt í vatnshreinsiverkefni í Pakistan þar sem kröftugar rigningar höfðu valdið einhverjum mestu flóðum í manna minnum, neyðarástandi var lýst yfir, tíu milljón manns hafa hrakist á flótta og tvö þúsund farist - hamfarirnar raktar til loftlagsbreytinga, landið fjölmennt og innviðir hrundu - að koma á hreinu vatni lífsnauðsyn - meira um þetta hér á eftir.

Skaðaminnkandi nálgun hefur verið mikið í umræðunni undanfarið. Nýlega voru stofnuð samtökin Matthildur - skaðaminnkun sem hafa það að markmiði að auka þekkingu og vinna að framgangi skaðaminnkandi inngripa og úrræða á Íslandi auk þess að standa vörð um mannréttindi jaðarsetts fólks á Íslandi. Þá einkum þeirra sem glíma við vímuefnavanda og/eða heimilisleysi. Svala Jóhannesdóttir er sérfræðingur í skaðaminnkun og ein af stofnendum samtakanna.

Málfarsmínútan er svo á sínum stað og Edda Olgudóttir ræðir um mótefni gegn malaríu í vísindaspjallinu.

Frumflutt

9. nóv. 2022

Aðgengilegt til

10. nóv. 2023

Samfélagið

Upplýst og gagnrýnin umræða um samfélagsmál.

Umsjón: Þórhildur Ólafsdóttir og Guðmundur Pálsson.