Kvöldfréttir útvarps

Táningsstúlka gripin með lífshættulegt efni og markaðir vestanhafs taka dýfu

Stúlka á táningsaldri er sakborningur í risastóru fíkniefnamáli sem kom upp á Keflavíkurflugvelli í síðustu viku. Héraðssaksóknari hefur áhyggjur af því hversu umfangsmikil skipulögð brotastarfsemi er orðin hér á landi.

Annan daginn í röð eftir að Bandaríkjaforseti kynnti innflutningstolla gegn nánast öllum ríkjum heims tóku hlutabréf vestanhafs dýfu. Dow Jones-vísitalan fór niður fyrir fjörutíu þúsund í fyrsta sinn síðan í ágúst.

Skólastjóri Ásgarðsskóla segir það hafa komið flatt upp á sig þegar hún heyrði um fyrirætlanir Reykjavíkurborgar um að taka yfir fjarnám elstu bekkja grunnskóla. Hún gagnrýnir borgina fyrir samráðsleysi.

Nýtt húsnæði undir geðsvið Landspítalans er hvergi að finna í nýrri fjármálaáætlun og óljóst er hvar það verður.

Landris er hafið á ný í Svartsengi eftir stutt eldgos. Óvenjumikil jarðskjálftavirkni hefur verið eftir gosið.

Framkvæmdastjóri Carbfix vonast eftir að ná betra samtali við Húsvíkinga en Hafnfirðinga þar sem verkefnið mætti mikilli andstöðu.

Frumflutt

4. apríl 2025

Aðgengilegt til

4. apríl 2026

• 00:01:02 Ólafur Þór um skipulagða brotastarfsemi
• 00:02:30 Hrun á mörkuðum annan daginn í röð
• 00:03:55 Engin ný geðþjónusta
• 00:04:50 Landris hafið að nýju
• 00:06:23 Íbúafundur Carbfix á Húsavík
• 00:07:20 Gagnrýnin á fyrirætlun borgarinnar um fjarnám
• 00:09:14 Batt dreng á höndum og fótum og kitlaði hann
• 00:09:42 Landsleikurinn - staðan
• 00:09:53 Veður

Fréttir