Kvöldfréttir útvarps

Ólöglegar naglastofur, rafmagnsleysi, jarðvarmi, alllsherjarþing SÞ og þjóðhagsspá

Snyrtifræðingar hafa ítrekað kært starfsemi leyfislausra snyrtistofa til lögreglu. Að mati Samtaka iðnaðarins grasserar þar eftirlitslaus glæpastarfsemi.

Rafmagni sló út víða á höfuðborgarsvæðinu síðdegis. Rafmagn kom víða fljótt á aftur, en rafmagnsleysið varði í rúman klukkutíma í Vesturbæ Reykjavíkur og á Seltjarnarnesi.

Það eru engin köld svæði á Íslandi, segir orkumálaráðherra, sem ætlar í stórsókn í jarðvarma svo Ísland glati ekki forskoti sínu.

Forseti Úkraínu varaði við hnignun alþjóðalaga og stofnana í ræðu sinni á allsherjarþingi Sameinuðu þjóðanna í dag. Í fyrsta sinn frá 1967 hélt sýrlenskur forseti ræðu á þinginu.

Utanríkisráðherra segir alþjóðasamfélagið bregðast skyldum sínum krefjist það ekki að alþjóðalög séu virt í stríðinu á Gaza. Hún komst við þegar hún flutti ávarp á allsherjarþingi Sameinuðu þjóðanna í dag.

Ný hófsöm hagsveifla er að hefjast í íslensku efnahagslífi. Aðalhagfræðingur Íslandsbanka segir verðbólgu þó áfram verða þráláta.

Umsjón: Erla María Markúsdóttir og Ævar Örn Jósepsson

Tæknimaður: Kormákur Marðarson

Stjórn útsendingar: Valgerður Þorsteinsdóttir