Í gær birtist á Vísi grein eftir Elliða Vignisson bæjarstjóra í Ölfusi undir yfirskrftinni: 34 milljónir fyrir póstnúmerið. Þar fjallar hann um hversu vön við erum háu fasteignaverði og að mörg okkar haldi að hátt fasteignaverð sé lögmál. Elliði vill meina að í sumum sveitarfélögum sé hægt að lifa mannsæmandi lífi án þess að fasteignaverð sé ævilangur klafi. Eilliði var á línunni
Í gær fengum við til okkar þau Símon og Fannýju sem bæði eru búsett í Gufuneshverfinu hér í Reykjavík. Þau töluðu um að upplifa sig sem strandaglópa innan eigin hverfis því þar séu almenningssamgöngur af skornum skammti og fá bílastæði í boði. Mikil gremja er meðal íbúa hverfissins sem margir hverjir keyptu íbúðir í hverfinu í þeirri von að þeir gætu lifað bíllausum lífsstíl. Við ræddum Gufunesið við einn af hugmyndasmiðum hverfisins hann Runólf Ágústsson og spurðum hann út í hugmyndafræðina á bakvið uppbyggingu þessa hverfi fyrir bíllausan lífsstíl, hvernig skipulagið átti að vera og um stöðuna sem nú er á framkvæmdinni.
Í vikubyrjun fjarlægði tónlistarmaðurinn Fannar Ingi Friðþjófsson, betur þekktur sem Hipsumhaps, alla tónlistina sína út af streymisveitum. En hvers vegna gerir hann þetta ? Fannar Ingi var á línunni beint frá Manchester á Englandi.
Heimsmeistaramót kvenna í handbolta hófst í dag með leik heimakvenna, Þýskalands og íslenska liðsins. Leikurinn verður í beinni útsendingu á RUV en upphitun hefst kl. 16:20 Þorkell Gunnar Sigurbjörnsson sendi okkur rjúkandi heitt viðtal við þjálfara íslenska landsliðsins, Arnar Pétursson rétt fyrir leik.
Fyrr í vikunni var fjallað um það í fjölmiðlum að vitað sé til þess að á síðasta ári hafi fæðist hér landi níu börn án aðkomu fagfólks og er fæðingum án nokkurar aðstoðar heilbrigðisstarfsfólks því að fjölga. Formaður Félags ljósmæðra segir að um tískufyrirbriðgi sé að ræða og að dæmi séu um að áhrifavaldar hér á landi mæli með þessari aðferð. Við ræddum við Elísabet Heiðarsdóttir leiðtoga ljósmæðra hjá heilsugæslunni á höfuðborgarsvæðinu, sem segir að ljósmæður sem sinna meðgönguvernd vilji hitta allar konur sem eiga vona á barni hér á landi, sama hvernig þær síðan kjósa að fæða börn sín.
Á morgun er Þakkargjörðarhátíðin, hátíð sem haldin er hátíðleg víða og þá ekki síst í Bandaríkjunum. Margir hér heima gera sér líka glaðan dag á þessum degi og nota tækifærið og elda alvöru þakkargjörðar máltíð. Sjónvarpskokkurinn og matgæðingurinn Eva Laufey Kjaran kom til okkar á sjötta tímanum og við fengum nokkur góð ráð frá henni fyrir þá sem ætla að elda kalkún og með því á morgun.
Snæfríður Ingadóttir hitar upp fyrir fyrir uppisandið Konur þurfa bara á Græna hattinum á morgun. Snæfríður verður sjálf með uppistand líkt og Auðbjörg og Sóley sem troða upp með Konur þurfa bara en Snæfríður húllar á meðan hún reitir af sér brandarana. Snæfríður sagði okkur frá.
