Morgunvaktin

Sjálfbærni ekki lengur jaðarmál heldur stóra málið

Víða um heim er kallað eftir nýju upphafi. Það eigi að nýta kórónuveirufaraldurinn til að gera breytingar á hagkerfum og samfélögum. Hvað þýðir það? Og er raunhæft að heimsbyggðin öll taki sig saman til að skapa betri og réttlátari heim? Tómas Njáll Möller, formaður Festu - miðstöðvar um samfélagsábyrgð og sjálfbærni, kom á Morgunvaktina til að ræða þessi mál.

Arabíska vorið var til umfjöllunar í spjalli okkar og Boga Ágústssonar um erlend málefni . Tíu ár eru síðan mikil mótmæli brutust út í Egyptalandi og leiddu til falls Mubaraks forseta. Mótmælin breiddust svo út um nágrannaríkin en hvað - ef eitthvað - breyttist? Við töluðum líka um skosk málefni. Sjálfstæðismál Skota eru komin á dagskrá á ný og haggis ku vera enskt en ekki skoskt.

Jóhannes Eðvaldsson knattspyrnumaður lést um síðustu helgi, sjötugur að aldri. Margs er að minnast frá ferli hans; hann var þriðji íslenski leikmaðurinn sem varð atvinnumaður í fótbolta, í tvígang varð hann skoskur meistari og þeir 10.373 áhorfendur sem voru á leik Íslands og Austur-Þýskalands á Laugardalsvelli sumarið 1975 og sáu hann skora með hjólhestaspyrnu - ja, þeir höfðu ekki séð annað eins. Við fjölluðum um þennan frábæra fótboltamann á Morgunvaktinni í dag, Víðir Sigurðsson, blaðamaður, rifjaði upp brot úr farsælum ferli Jóhannesar Eðvaldssonar.

Tónlist:

If she wants me - Belle and Sebastian

Enter the Haggis - One more drink

I saved the world today - Eurythmics

Birt

28. jan. 2021

Aðgengilegt til

28. apríl 2021

Morgunvaktin

Björn Þór Sigbjörnsson, Þórunn Elísabet Bogadóttir og Vera Illugadóttir fylgja hlustendum inn í daginn, skýra baksvið frétta og ræða við áhugavert fólk um Ísland og umheiminn.