Þú veist betur

Að brugga bjór

Það er kannski fínt að setja ákveðin fyrirvara eða viðvörun varðandi þátt dagsins, hann snýst um bjór og hvernig hann er bruggaður, ekki til að hvetja til drykkju, heldur til að fræðast meira um þennan drykk sem ég held að sé nú óhætt að segja að flestir landsmenn viti að minnsta kosti af, hvort sem þau drekki hann eða ekki. Ég gerði mér ferð niður í Malbygg þar sem ég hitti bruggarann Berg Gunnarsson og þegar ég mætti var hann með endalaust af tönkum í gangi sem allir voru að sinna ákveðnu stigi bruggs á jólabjór í þetta skiptið. Það er því smá bakgrunnshljóð sem við heyrum í þætti dagsins sem ég vona að trufli ekki um of.

Birt

31. okt. 2021

Aðgengilegt til

Rennur ekki út

Í Þú veist betur eru engin umræðuefni of lítil eða of stór. Í meira en 100 þáttum höfum við skoðað allt frá skammtafræði, eldgosum og kjarnorku yfir í ketti, bjór, laxeldi, talmeinafræði, hunda, lungun og landnám Íslands. Og svona mætti lengi telja.

Þættir á mannamáli fyrir forvitna sem vilja skilja heiminn betur, hvort sem það snýst um vísindi, samfélag, líkamann eða söguna.

Umsjón: Atli Már Steinarsson.