Landsmenn hafa fylgst með þróun mála í Grindavík og þeim gríðarlega skemmdum sem þar hafa orðið á mannvirkjum og innviðum, ekki síst vegum. Við veltum fyrir okkur hvert hlutverk Vegagerðarinnar er í því samhengi og hvaða verkefnum hún kemur að í svona aðstæðum. Er yfirhöfuð hægt að gera við skemmdir á borð við þessar? Bergþóra Kristinsdóttir framkvæmdastjóri þjónustusviðs Vegagerðarinnar kom til okkar.
Um helgina verður haldin ráðstefna á vegum Mikluborgar um hlutdeildarlán. VIð ræddum við Ólaf Finnbogason, fasteignasala, um þetta úrræði fyrir tekju- og eignaminni fyrstu kaupendur, hvort það hafi virkað eins og það átti að virka, og þá förum við einnig yfir stöðuna almennt á fasteignamarkaði.
Rithöfundarnir Vilborg Davíðsdóttir og Valur Gunnarsson ræddu við okkur um íslensku í austurvegi, nánar tiltekið í Garðaríki miðalda, en þau flytja bæði erindi á bókakvöldi Sölku núna á Degi íslenskrar tungu.
Guðni Th. Jóhannesson, forseti Íslands, var gestur okkar, en hann efnir nú í fyrsta skipti til viðburðar á Bessastöðum á degi íslenskrar tungu þar sem þeim sem kenna íslensku sem annað tungumál verður þakkað sérstaklega.
Það vakti nokkra athygli í vikunni þegar danski knattspyrnumaðurinn Alexander Lind ákvað að draga sig úr landsliðinu vegna flughræðslu, en danska knattspyrnusambandið leitar nú leiða til að hjálpa honum að sigrast á þessum ótta. Við ætlum ræddum flughræðslu og kvíða af þeim toga sem hefur hamlandi áhrif við Sturlu Brynjólfsson, sálfræðing.
Alþjóðlegur dagur barna í sorg er í dag og af því tilefni ef boðað til málþings í Vídalínskirkju í dag. Vissulega eru mörg börn í heiminum í dag sem glíma við sorg af ýmsum toga og ekki alltaf auðvelt að vita hvernig á að nálgast þetta viðkvæma umræðuefni og hjálpa börnum að syrgja. Séra Matthildur Bjarnadóttir kom til okkar, en hún er auk prestsstarfanna, verkefnastjóri hjá Erninum, minningar- og styrktarsjóði og er ein þeirra sem halda utan um málþingið í dag.
Tónlist:
Elíza Newman - Þú veizt.
Spilverk þjóðanna - Landsímalína.
Hipsumhaps - Bleik ský.
Valdimar - Sýn.
Jónfrí - Aprílmáni.
Trúbrot - Ég veit að þú kemur.
Dóra og döðlurnar - Líða fer að vetri.
GDRN - Parísarhjól.
