Skýrsla setts ríkisendurskoðenda um Lindarhvol og sölu fyrirtækisins á ríkiseigum leit loks dagsins ljós í gær þegar þingkona Pírata tók af skarið og birti skýrsluna. Málið er afskaplega snúið, og á því eru margar hliðar. Ein þeirra er ráðherraábyrgðin sem hvílir mögulega á málinu. Fjármálaráðherra hafði frumkvæði að þeim lögum sem sett voru til að tryggja fyrirkomulag sölunnar en um leið var sköpuð ákveðin armslengd á milli ráðuneytisins og Lindarhvols. Við ræddum ráðherraábyrgð við Hauk Loga Karlsson rannsóknarsérfræðing við HÍ sem hefur nýverið rannsakað slíka ábyrgð í íslenskum lögum.
Það verður sægur af fólki á Akureyri um helgina enda tvö risafótboltamót í bænum - að minnsta kosti 10.000 manns bætast við íbúatölu bæjarins. Við heyrðum í Ásthildi Sturludóttur bæjarstýru um gleðina framundan.
Jú við renndum líka yfir fréttir vikunnar eins og venjulega. Ráðgjafarnir og spekúlantarnir Kolbeinn Marteinsson og Bryndís Ísfold Hlöðversdóttir kíktu til okkar.
Flughátíðin Allt sem flýgur fer fram á Hellu núna um helgina. Þar gefst tækifæri á að kynnast fluginu með einstökum hætti. Svæðið er ein samfelld flugsýning frá föstudegi til sunnudags og verður hægt að skoða vélarnar, setið við flugbrautina og fylgst með alls konar loftförum á svæðinu leika listir sínar. Það er Flugmálafélag Íslands sem stendur að hátíðinni fyrir flugáhugafólk. Matthías Sveinbjörnsson forseti félagsins var á línunni hjá okkur.
Hreim Örn Heimisson þarf vart að kynna. Hann hefur samið aragrúa laga sem þjóðin syngur á mannamótum og er t.d. fjöldi Þjóðhátíðarlaga sem hann hefur samið ótrúlegur. Okkur langar að koma okkur í gott sumarskap inní helgina sem framundan er fengum því Hreim til að taka lagið og hjálpa okkur með sumarskapið.
Tónlist
Birnir - Spurningar (ft. Páll Óskar).
GEORGE MICHAEL & ELTON JOHN - Don't Let The Sun Go Down On Me.
Curtis Mayfield - Move on Up.
SÁLIN HANS JÓNS MÍNS - Sól, Ég Hef Sögu Að Segja Þér.
CHICAGO - Saturday In The Park.
DONNA SUMMER - Bad Girls.
GDRN - Parísarhjól.
Hreimur Örn Heimisson - Dreymir (lifandi flutningur í beinni)
POST MALONE - Chemical.