Unnið hefur verið að því í sumar að innleiða nýtt og samræmt flokkunarkerfi úrgangs í Reykavíkurborg í samvinnu við nágrannasveitarfélögin. Búið er að dreifa nýjum tunnum, körfum og pokum til rúmlega 14.500 heimila í borginni. Telst það vera rúmlega fjórðungur þeirra 55.000 heimila í borginni sem Sorphirða Reykjavíkur þjónustar. Alls er dreift tunnum til um 650 heimila á dag. En nú hefur verið tilkynnt að tímasetningar á dreifingunni breytist. Hverfi sem áttu að fá tunnur síðast eru næst á dagskrá. Við ræddum þessa breytingar við Guðmund B. Friðriksson skrifstofustjóra skrifstofu umhverfisgæða hjá Reykjavíkurborg.
Innviðir landsins eru ekki sprungnir vegna fjölgunar í hópi hælisleitenda, að mati Marínar Þórsdóttur deildarstjóra höfuðborgardeildar Rauða krossins á Íslandi. Hún segir að fjárfesting í flóttafólki skili sér margfalt til baka til samfélagsins og það sé því þess virði að staldra við og skipuleggja framtíðina í þeim efnum. Marín var gestur okkar í dag.
Á föstudaginn skrifuðu Landsnet og sveitarfélagið Vogar undir samkomulag sem leysti hnútinn sem var á framkvæmdaleyfi fyrir Suðurnesjalínu 2. Til að ræða þetta samkomulag og hvað það þýðir fyrir Voga og framtíð sveitarfélagsins kom bæjarstjórinn Gunnar Axel Axelsson til okkar.
Leikarinn og leikstjórinn Guðmundur Felixson stofnaði til undirskriftasöfnunar í júní til stuðnings Tjarnarbíó en fjármögnun næsta leikárs lá ekki fyrir og stefndi í lokun leikhússins sem hefur verið griðastaður fyrir sjálfstæða leikhópa. Guðmundur kom einmitt til okkar í Morgunútvarpið og leyst ekkert á blikuna. En í gær bárust fréttir af því að búið væri að finna lausn til að ekki þyrfti að koma til lokunnar næsta sýningavetur. Sara Martí Guðmundsdóttir er leikhússtýra Tjarnarbíós og hún var á línunni hjá okkur um hálf níu.
Og í lok þáttar kom Guðmundur Jóhannsson til okkar og fór yfir það helsta í tæknimálum heimsins.
Tónlist
HJÁLMAR - Hættur að anda.
GERRY RAFFERTY, GERRY RAFFERTY - Baker Street.
BUBBI MORTHENS - Ennþá er tími.
CELEBS - Bongó, blús & næs.
UNUN - Lög Unga Fólsins.
BEYONCE - Love On Top.
KLASSART - Flugmiði aðra leið.
SPICE GIRLS - Say You'll Be There.
TRAVIS - Side.
