Kvöldfréttir útvarps

Metmagn fíkniefna og leitað að loðnu

Áramótablys sem fest voru á flöskur kveiktu eldinn á skemmtistað í skíðabænum Crans Montana á nýársnótt. Börn niður í fimmtán ára voru inni á skemmtistaðnum þegar eldurinn braust út.

Lögreglan hefur aldrei lagt hald á meira magn kókaíns og marijúana á einu ári eins og í fyrra. Aðstoðaryfirlögregluþjónn segir þekkt að með aukinni velmegun aukist neysla dýrari fíkniefna á borð við kókaín.

Loðnuleit hefst á næstu dögum. Þarnæsta loðnuvertíð verður líklega tífalt stærri en sú sem er að hefjast.

Nýliðið ár var það hlýjasta frá upphafi mælinga hér á landi. Hiti var yfir meðallagi átta af tólf mánuðum ársins.

Nýr risi trónir á toppi rafbílamarkaðsins á heimsvísu – og það er ekki Tesla. Kínverski framleiðandinn BYD jók sölu um tæpan þriðjung á nýliðnu ári og stal þarmeð toppsætinu.

Fólk virðist misjákvætt í garð kílómetragjaldsins sem tók gildi um áramótin. Eldsneytisverð lækkaði samhliða því en breytingin kemur sér betur fyrir jeppaeigendur en smábílaeigendur

Frumflutt

2. jan. 2026

Aðgengilegt til

2. jan. 2027

Fréttir