Kvöldfréttir útvarps

Grunsamleg samtök, líðan barna frá Grindavík, börn og glæpagengi, börn og samfélagsmiðlar, bresk útlendingalög

Lögregla hefur tilkynnt grunsamleg mannréttindasamtök sem eru til rannsóknar í Suður-Afríku til dómsmálaráðuneytisins. Samtökin vista heimasíðu sína hér á landi.

Líðan barna sem þurftu að yfirgefa heimili sín í Grindavík vegna eldsumbrota á Reykjanesskaga er verri en jafnaldra þeirra. Þetta sýna niðurstöður Íslensku æskulýðsrannsóknarinnar.

Stjórnvöld í Bretlandi kynntu herta stefnu í málefnum umsækjenda um alþjóðlega vernd í dag. Þau sem fá vernd gætu þurft að bíða í 20 ár eftir varanlegu búsetuleyfi verði stefnan samþykkt í þinginu.

Sérfræðingur hjá embætti ríkislögreglustjóra segir glæpagengi láta börn og ungmenni fremja óhæfuverk fyrir sig til að koma í veg fyrir að rannsókn glæpsins beinist að brotahópunum sjálfum . Mikilvægt sé að rannsókn slíkra mála beinist að réttum aðilum.

Þingmaður Framsóknarflokksins telur að hækka þurfi aldurstakmark á samfélagsmiðlum. Menntamálaráðherra tekur undir það og tilkynnti á Alþingi að stofnaður yrði spretthópur um málaflokkinn.

Dæmi eru um að foreldrar þynni út sýklalyf ætluð börnum sínum fyrir mistök. Lyfjafræðingur segir málið byggja á einföldum misskilningi.

Umsjón: Erla María Markúsdóttir og Ævar Örn Jósepsson

Tæknimaður: Mark Eldred

Stjórn útsendingar: Margrét Júlía Ingimarsdóttir

Frumflutt

17. nóv. 2025

Aðgengilegt til

17. nóv. 2026

• 00:00:48 Grunsamleg mannréttindasamtök líklega með vefsíðu
• 00:02:38 Líðan barna í Grindavík
• 00:04:13 Börn, glæpagengi og refsingar
• 00:05:16 Sérstök umræða um börn og samfélagsmiðla
• 00:06:54 Bretar herða lög um innflytjendur
• 00:08:23 Foreldrar misskilja meðhöndlun sýklalyfja
• 00:09:55 Veður

Fréttir