Kvöldfréttir útvarps

13.10.2025

Bandaríkjaforseta var tíðrætt um að vopnahléið á Gaza ætti eftir að halda, á leiðtogafundi um framtíð svæðisins í Egyptalandi í dag. Ísraelsher segir Hamas hafa skilað líkamsleifum fjögurra gísla sem létust í haldi þeirra.

Framkvæmdastjóri Samtaka fyrirtækja í sjávarútvegi óttast um framtíð sameiginlegra nytjastofna. Ofveiði gæti orðið til þess að engum makrílkvóta yrði úthlutað innan tveggja ára.

Ríflega helmingur landsmanna segist hlynntur olíuleit í íslenskri lögsögu. Gallup telur dvínandi áhuga á umhverfismálum hafa áhrif.

Andófsmaður segir að Vesturveldin verði að vera tilbúin að styðja lýðræðisöfl í Rússlandi þegar að því kemur að valdatími Vladimírs Pútíns líður undir lok.

Sífellt fleiri ferðamenn koma hingað til lands með ösku látinna ástvina í farteskinu til að dreifa hér á landi. Margir vilja dreifa ösku á stöðum á borð við Sólfarið, Gullfoss og Geysi.