Síðustu dagar hafa verið slæmir fyrir Úkraínu. Það hafa verið harðari árásir, bæði eiginlegar frá Rússum, og pólitískar frá Bandaríkjunum. Veturinn framundan gæti orðið sá þyngsti í þessu langa stríði fyrir Úkraínumenn. Við ræddum um Úkraínu, Rússland og Bandaríkin við Erling Erlingsson hernaðarsagnfræðing.
Við slógum á þráðinn til Gerðar Bjarkar Sveinsdóttur bæjarstjóra í Vesturbyggð og heyrðum hvort haustið fari mildum höndum um íbúa sunnanverðra Vestfjarða. Við forvitnuðumst líka um helstu verkefnin fram undan í sveitarfélaginu.
Svo var fjallað um samísku, tilefnið auðvitað að handhafi bókmenntaverðlauna Norðurlandaráðs í ár - Sigbjörn Skaden – skrifar á samísku. Helga Hilmisdóttir málvísindakona hjá Árnastofnun kom til okkar og sagði okkur undan og ofan af tungumálinu.
Tónlist:
Simon and Garfunkel - The boxer.
Simon and Garfunkel - Song for the asking.
Ágústa Eva Erlendsdóttir, Senuþjófarnir, Megas - Lengi skal manninn reyna.
Sálgæslan, Andrea Gylfadóttir - Nema hvað?.
Mari Boine - Sterna Paradisea = Cuovgga áirras.
Mari Boine - Mu váibmu vádjol doppe = Mitt hjerte alltid vanker.
Björn Þór Sigbjörnsson og Þórunn Elísabet Bogadóttir fylgja hlustendum inn í daginn, skýra baksvið frétta og ræða við áhugavert fólk um Ísland og umheiminn.
