Eftir rúma viku fara fram kosningar í Ísrael, þær fyrstu eftir hryðjuverkaárásina 7. október fyrir þremur árum og stríðin sem Ísraelar hafa háð í kjölfarið. Magnús Þorkell Bernharðsson, prófessor í sagnfræði og sérfræðingur í Mið-austurlöndum, ræddi kosningarnar.
Björn Malmquist fréttamaður í Brussel var á sínum stað með tíðindi frá Evrópu eftir morgunfréttir. Hann ræddi um mótmælin og óeirðirnar í Frakklandi síðustu daga, og um leiðtogafund Evrópusambandsins í síðustu viku.
Nýlega var birt rannsókn sem vísindamenn hér á landi tóku þátt í á erfðum vefjagigtar. Oft er einstaklingum með vefjagigt sagt að verkir þeirra séu bara sálrænir - en nýja rannsóknin bendir til þess að það sé sterkur tauga-líffræðilegur þáttur í sjúkdómnum. Við forvitnuðumst um þetta þegar Gyða Björnsdóttir vísindamaður hjá Íslenskri erfðagreiningu og Arnór Víkingsson gigtarlæknir komu í þáttinn.
Tónlist:
Gordon Lightfoot - Early Morning Rain.
Markéta Irglová - Vegurinn heim.
Sunna Gunnlaugsdóttir, Scott McLemore, Þorgrímur Jónsson - Johnsburg, Illinois.
Jeremy Ledbetter Trio - Song of the river.
Björn Þór Sigbjörnsson og Þórunn Elísabet Bogadóttir fylgja hlustendum inn í daginn, skýra baksvið frétta og ræða við áhugavert fólk um Ísland og umheiminn.
