Fjörutíu ár eru liðin frá fundi leiðtoga Bandaríkjanna og Sovétríkjanna í Höfða í Reykjavík. Um fundinn og Kalda stríðið hefur Rósa Magnúsdóttir, prófessor í sagnfræði við Háskóla Íslands, skrifað bókina Kaldastríðsborg. Rósa ræddi fundinn og ástandið í heiminum og í Reykjavík á þessu tímabili.
Björn Malmquist fréttamaður fór yfir það helsta í Evrópupólitíkinni í spjalli eftir Morgunfréttir. Hann ræddi líka við Hildi Guðnadóttur tónskáld sem var heiðruð fyrir verk sín á alþjóðlegri kvikmyndahátíð í Gent í Belgíu um helgina.
Betrun nefnist ný þáttaröð Guðrúnar Hálfdánardóttur á Rás 1. Hún fjallar um málefni fanga í nútíð og fortíð. Sagan hefst í Kaupmannahöfn en þangað voru íslenskir sakamenn sendir til afplánunar á átjándu og nítjándu öld. Mörgum var þrælað út í erfiðisvinnu og óvísst er hve margir snéru heim.
Tónlist:
California - Joni Mitchell,
Talað við gluggann - Bubbi Morthens,
12 hours before - Hildur Guðnadóttir,
Tusind stykker - Anne Linnet,
Pump room - Hildur Guðnadóttir.
Björn Þór Sigbjörnsson og Þórunn Elísabet Bogadóttir fylgja hlustendum inn í daginn, skýra baksvið frétta og ræða við áhugavert fólk um Ísland og umheiminn.
