Á tali hjá Hemma Gunn 1989-1990

5. apríl 1989

Í þættinum grínast Elsa Lund og Rósa Ingólfs í beinni útsendingu áður en Pétur Maack kemur í viðtal til Hemma. Hljómsveitin Eftirlitið flytur lagið Lokað sund og Lára Stefánsdóttir og Hanny Hadaya úr Íslenska dansflokknum dansa verkið Barflugan. Í söngvarakeppni þáttarins syngja Guðrún Norðfjörð lagið Skot í myrkri og Kolbrún Hjálmtýsdóttir lagið Braggablús. Þátttakendur í keppninni um titilinn Herra Ísland sprella með Hemma og Elsa Lund slæst í hópinn til að spjalla við þá. Páll Svavarsson, formaður Styrktarfélags lamaðra og fatlaðra, tekur við gjöf frá Hemma, Elsa syngur lagið Vorið er komið og grundirnar gróa og falin myndavél er á ferðinni á Reykjavíkurflugvelli. Hljómsveitirnar Rickshaw og Mammoth flytja lögin Hotrod Made for Love og Can’t Take the Hurt, og Jóhannes Kristjánsson skemmtir áhorfendum í gervi Alberts Guðmundssonar.

Þátturinn var fyrst á dagskrá 5. apríl 1989.