Síðdegisútvarpið

9.mars

Jódís Skúladóttir þingkona Vinstri grænna er flutningsmaður að tillögu um að dómsmálaráðherra skipi starfshóp um ummönnun og geymslu líka. Mikilvægt sé að tekið verði saman hve mörgu sé ábótavant er varðar ummönun og geymslu úti á landi. Að hennar sögn sitja ekki allir landsmenn við sama borð þegar dauðinn knýr að dyrum.

Í gær fjölluðum við um unga menn sem fá krabbamein, í dag er komið að ungu fólki sem fær heilablóðfall. Sindri Már Finnbogason framkvæmdarstjóri og stofnandi Tix.is og Ómar Smárason fjölmiðlafulltrúi KSÍ ,lentu báðir í því að fá óvænt heilablóðfall á besta aldri. Í dag starfa þeir báðir innan Heilaheilla og koma þeir til okkar á eftir til að segja sína sögu og vekja athygli á því að hver sem er getur orðið næstur því um 600 manns fá heilablóðfall árlega á Íslandi.

Tilnefingar til Íslensku tónlistarverðlaunanna verða tilkynntar í dag í Hörpu. Við ætlum síðar í þættinum að gefa boltann niður Hörpu þar sem að Kristján Freyr Halldórsson Framkvæmdastjóri Íslensku tónlistarverðulaunna mun upplýsa okkur um það hverjir hljóta tilnefningar í ár.

Um þessar mundir eru 45 ár síðan skemmtistaðurinn Hollywood opnaði. Þetta er einn stærsti skemmtistaður íslandssögunar og var hann troðföllur flest kvöld og raðirnar fyrir utan ættu eflaust heima í heimsmetabók Guinness. Ólafur Laufdal stofnandi Hollywood ætlar að fagna þessum tímamótum allan apríl mánuð á Grímsborgum. Þar verður boðið upp á sýningar í anda Hollywood árana og einnig er Ólafur búinn að sérpanta diskódansgólf eins og var á gamla Hollywood til að láta setja upp á Grímsborgum. Við heyrum í honum í þættinum.

Og eins og alltaf á fimmtudögum þá mætir Atli Fannar Bjarkason til okkar og fer yfir nýjasta meme-ið á internetinu.

Stærsta kókaínmál Íslandssögunnar hefur verið tekið fyrir í Héraðsdómi Reykjavíkur undanfarna daga. Saksóknari krefst þess að sakborningarnir í málinu fái hámarksrefsingu en verjendur þeirra telja slíkt vera ósanngjarnt þar sem fjórmenningarnir séu aðeins lítil peð í stórri keðju. Til að segja okkur betur frá þessu máli öllu saman er hingað kominn Freyr Gígja Gunnarsson fréttamaður.

Frumflutt

9. mars 2023

Aðgengilegt til

8. mars 2024

Þau Andri Freyr Viðarsson, Guðrún Dís Emilsdóttir og Hrafnhildur Halldórsdóttir halda landanum vel upplýstum um menn og málefni á leið úr vinnu á daginn. Þau fylgjast vel með fréttum og dægurmálum og spila nóg af góðri tónlist.